疫境加油站

今年八月，我哋逗號行動聯同救世軍機構，一連兩星期喺大埔街頭派發打氣包同收集市民所寫嘅心意卡。

心意卡係由逗號團隊親自設計，圖畫係和諧粉彩畫，代表「希望」、「樂觀面對」。

配合句子「疫境中縱有愁緒，陰晴亦心如止水」，希望市民在疫境中能堅持下去！

我哋將收集到嘅心意卡，連同防疫包轉贈俾大埔區內嘅保安員同清潔工，希望為佢哋疫境下未能WFH嘅佢哋打打氣。

除此之外，我哋仲整咗舒壓填色紙，希望大家透過填顏色嘅過程，將壓力暫時放低。

疫情至今已經跨越大半年，無論係學生定打工仔，壓力都一定有增無減。

有時候唔可以將條橡筋扯得太行，會爆煲㗎！

所以適當嘅時候，需要搵到合適嘅減壓方法～

想知道更多關於減壓嘅小貼士，記住睇我哋嘅Blog喇！

最後希望疫情盡快過去，大家都可以回復正常生活啦！